VFDC leh field staff tan training huaihawt
Ni hnih awh “Training of Frontline Staff and Village Forest Development Committee (VDFC) on promotion of best practices in Forestry” chu ni 21.2.2020 chawhma dar 10:00 khan Dr. K. Kire; IFS, Addl. PCCF, Mizoram chuan a hawng.
He zir hona hi Green India Mission (GIM) hnuaia buatsaih niin ramngaw humhalh kawnga a hmatawnga thawk tute intuai hriamna tura buatsaih a ni a, kalphung tha leh changkang zawk zirtirna hun atan hman a ni. Thing chi kui tiak dan (nursery technique) leh thing tang, a bull eh a zung hmanga thing chinpun dan te, mau chin pun dan leh enkawl dan te, Thing rai (Agarwood) chinpun dan leh enkawl dan te bakah thil dang engemawzat zirho a ni a, Rain Forest Research Institute (RFRI), Jorhat atanga scientist local ten zirtirna hi an pe a, zawhna leh chhanna bakah sawihona hun hlawk thlak tak hman thin a ni.
Subject zirhote:
1. Thing kui tiah dan tha.
2. Kawng hrang hrang – a chi, a tang, a bull eh a zung hmanga thing chin pun dan.
3. Organic leitha siam dan.
4. Mau chin pun dan.
5. Thing rai (Agar wood) chin pun dan.
He zirhona hi Forest Division hrang hrang hnuaia hmatawngte leh Forest Development Agency hnui a Village Forest Development Committee member-te puala buatsaih a ni. He hunah hian mi 60 vel an tel thei a ni.
He zirhona hi Greeen India Mission sorkarin a kalpui mek huangchhung- ramngaw humhalh lama thawktute intuaihriamna hun atan a duan a ni a. Ramngaw humhalh leh a kaihhnawih kawnga kalphung tha ber berte tihhmasawn leh chak zawk a hmalakna in zirtir a tum ber a ni. Rain Forest Research Institute, Jorhat atanga mithiamte leh Department lam a mithiam thnekhatten thupui hrang hrang hmangin Classroom leh Practical a zirtirna an pe a ni. Thupui hrang hrang hi sawihona hun tha tak neih zel a ni. He zirhona hun a tel te hi an thawhna leh an awmna khua theuh a mipui leh a mawmawh tute tan zirtirna pechhawng thei tur a beisei an ni.
